【Viu】Phoebus吳啟洋6月推出第一首solo歌《漸漸地》，最近又有新作《Close Friend》面世， 認真犀利！就連Phoebus本人都話冇諗過咁快有新歌派台啊，另外佢仲預告P1X3L都會推出新團歌，而且曲風會同以往嘅作品好唔一樣添！係咪好期待呢？除咗音樂事業，Phoebus喺演戲方面都有唔少作品，佢仲話自己有個比較遙遠嘅夢想，就係要做影帝啊！
而今次新歌MV都係以劇情主導，仲搵嚟鄧月平同黃溢濠參演，Phoebus亦自肥同Larine嚟個《天若有情》嘅飛車情節，非常唯美！咁開心嘅拍攝，當然唔可以得Phoebus齋講啦，所以特登邀請埋Larine同溢濠一齊分享拍攝趣事，溢濠話Phoebus抽佢水？Phoebus俾Larine嚇親？仲話覺得同溢濠BL味濃？咁多料爆，記得即刻睇片啦！今集最後仲有彩蛋，滿足一班想睇Phoebus同溢濠HeHe嘅fans！千祈唔好錯過啊！
