【Viu】繼《剎那的》同《到時見》之後，Sabrina張蔓莎最近推出咗《FF系列》第三部曲，佢希望透過《未算壞》呢首歌話俾大家聽即使喺個絕望透頂嘅世界，其實仲可以有一絲絲嘅希望，而呢首歌嘅英文名叫《Maybe Someday》，原來佢一早就劇透咗㗎啦！除咗歌曲嘅concept，佢亦參與MV製作當中做教主嘅idea，就係出自佢本人喇。「Someday教」想帶啲正能量俾大家，不過現實生活中，阿莎都少不免遇到啲唔開心嘅事，唔知佢又係點樣去面對呢？入行8年 ，由model開始做到而家成為歌手，好彩一直有孖生家姐Gigi陪住，兩姊妹互相倚賴同鼓勵，亦都成為彼此嘅心靈雞湯啊。
