【Viu】KOLOR主音Sammy、Joey Tang噚晚為首屆NFT流行曲創作大賽擔任評判！啱啱7月嗰陣，Joey Tang先同太極去咗轉美加開兩場演唱會，開心到不得了，連續幾日大吃大喝搞到勁high瞓唔着。問到依家「0+3」會唔會想去其他地方演出？Joey Tang話梗係想，及後唔小心爆ERROR會喺12月開演唱會，因為已經plan好同太太飛澳洲參加仔仔嘅大學畢業禮，令佢不禁大叫可惜，笑話唯有等ERROR之後再開騷啦！而Sammy就講到外父上月離世，Sammy指太太盧巧音仲係平復心情當中，會喺對方身邊陪伴，又謂已處理好外父嘅身後事。
