【Viu】Zeno顧定軒聽日28歲生日，一班Fans今日為偶像預祝生日會，除咗輪流送禮物，仲送上蛋糕同祝壽汽球，搞到Zeno好驚喜！不過，最令Zeno驚喜嘅莫過於中環同尖沙咀嘅巴士站燈箱應援，佢話一起身收到消息嗰陣，感動到喊濕枕頭，噚日就帶埋嫲嫲秘密打卡，今日亦會同Fans再去！
講到生日願望，Zeno希望開心健康，亦想疫情盡快過去，可以帶嫲嫲去台灣旅行，認真孝順！至於工作發展，佢就話會繼續出歌，透過作品撫慰Fans，亦坦承冇信心拎新人獎。講到《男排女將》拍檔Jeremy@MIRROR都係今年新人，Zeno就話同屬處女座嘅佢哋都係默默耕耘型，友情在心中，Jeremy亦有發訊息支持佢出新歌，好有愛㗎！
