【Viu】「皇上」張敬軒、鄭欣宜同陳蕾，今早襯晒衫出席手機店開幕活動，大擺pose化身專業model。講到軒仔最近起壇進入寫作mode，佢笑話淨係執好studio，不過近日有為老闆父子楊受成、楊政龍錄公司80周年慶典歌，直言好大壓力：「第一次做老闆監製都真係一額汗！驚做得唔好年尾bonus打大折扣！」而軒仔話完咗今日活動就要閉關準備新戲角色，眼見疫情有上升趨勢，會好好注重衛生。
欣宜興奮宣布新歌《Glitterfalls》MV今晚首播，已約定班fans一齊睇咁話！仲透露諗定一系列同fans互動嘅活動，希望可以一一實行。「織女」陳蕾早前發起咗個義賣活動，將織落嘅針織物賣出然後捐去十間唔同流浪貓狗義工機構，真係好有善心！提到老友MC張天賦同洪嘉豪即將開騷，佢得戚話有率先驗收跳舞部分，笑問到時encore會唔會又被拉上台？陳蕾放話唔會再做義工，友情價再收貴少少！
