【Viu】吳君如、鄭中基、Edan呂爵安、許賢同蘇致豪等今日出席《闔家辣》首映，除咗君如媽咪、老公陳可辛同囡囡撐場外，仲吸引過千Fans逼爆商場，甚至有Fans由噚晚開始排隊，Edan希望大家注意安全同健康。君如同中基對票房充滿信心，目標7億票房！
講到花姐發文呼籲Fans唔好私追MIRROR演唱會綵排，Edan讚Fans好乖好聽話，情況已經大有改善，公司都有安排休息時間畀大家；君如即刻再度搲飛，好在Edan寫包單話有咋！
講到金像獎，Edan承認MIRROR會做表演嘉賓，而且今年大家都有位坐，係叻嘅！
此外，許賢同蘇致豪解釋日前游學修喺直播爆喊同醉酒一事，仲爆Locker最飲得添呀！
