【Viu】Zeno顧定軒今年加入樂壇做新人，繼年頭出首支派台歌《尼斯》後，再推新歌《XY》，而呢日佢就上MOOV平台唱處男live率先獻唱新歌！開始前見佢相當緊張，做訪問嗰陣仲專登細細聲講嘢護聲，事關呢次live佢要一口氣連唱5首歌，除咗會唱新歌、《尼》之外，其中一首同樣都係今年新人，張蔓莎嘅作品《剎那的》：「好想同今年嘅新人合作，但一直都冇機會，好鍾意佢呢首歌，勾起到我少男嘅心理感覺。」
另外Zeno仲話想同Jeremy@MIRROR、蘇麗珊等新人合作，講到今年有好多新人出道，怕唔怕大競爭先？佢就笑話冇諗過，目前只係諗點樣可以做好下一首歌，仲話希望今年內再推出多一首作品添，咁有計劃就祝你順順利利啦！
