【Viu】陳家樂今日宣布同Shiga連詩雅已經訂婚，仲特登多謝大家嘅祝福，家樂表示結婚日子暫時未有確實計劃，因為要忙埋手頭上嘅工作，遲啲如果有好消息一定會同大家分享！講返家樂嘅求婚過程，我哋收到風，日前家樂約齊Shiga同雙方最close嘅朋友搞船P釣墨魚，可惜天公唔造美當日一直落雨，Shiga都有諗仲應唔應該去㗎，但見家樂一早book好船，唔想嘥咗佢一番心機，最終照行程出發，之後就到戲肉嘞，家樂趁Shiga去廁所嗰陣，將船艙佈置好，跟手仲拎埋戒指出嚟添，認真sweet啊！
拍拖兩年半陳家樂宣布訂咗婚 驚喜船P整喊連詩雅
拍拖兩年半陳家樂宣布訂咗婚 驚喜船P整喊連詩雅
