【Viu】 今個夏天法國康城吹起一股韓風～香港時間今日零晨舉行嘅第75屆康城影展頒獎禮上，韓國電影大放異彩！朴贊郁憑《分手的決心》奪得最佳導演獎，而作為影展常客嘅日本導演是枝裕和，就繼2018年憑住《小偷家族》攞完金棕櫚獎後，今年帶咗佢首次執導嘅韓語電影《孩子轉運站》，同戲中一眾演員IU、宋康昊、姜棟元再次衝擊康城！結果唔單止獲頒基督教評審團獎，仲令宋康昊贏得最佳男主角獎，開創先河成為康城影史上第一位稱帝嘅韓國演員，真係威到盡啊！而今屆影展最高榮譽嘅金棕櫚獎，就由瑞典導演魯賓奧士倫奪得；影后方面，伊朗女演員莎阿米伊巴希美力壓賽前大熱湯唯，憑電影《聖蛛》首度榮登康城影后！
