【Viu】ViuTV劇集《反起跑線聯盟》噚晚大結局，劇集播完之後台前幕後
仲開Live同觀眾傾偈，個個演員睇大結局都睇到眼濕濕，同全家一齊追劇嘅GiGi梁詠琪都話，就連囡囡Sofia都睇到喊晒口啊。而周家怡同潘燦良喺戲中嘅感情線到最後都冇提及到，到底兩人可唔可以開花結果，搞到觀眾囉囉攣，潘燦良就話其實劇本都冇寫，所以佢都同大家一樣估估下啊，繼而導演Benny都自爆有啲伏線冇拍到，而監製黃子桓就話一開始冇諗過劇集出街後反應會咁好，就連小朋友都追劇，搞到佢都有啲後悔拍得太少集數，仲開到口話想拍第二季或者電影版添啊！
