【Viu】大家見梁詠琪唱歌拍電影就多，但係電視劇真係好少有，對上一次已經係15年前客串演出！今次全靠導演劉偉恆，先請到Gigi加盟ViuTV新劇《反起跑線聯盟》飾演女主角Nora！聽講Gigi今次除咗有份演，連劇本都有俾Idea！喺現實中同樣作為媽咪，Gigi對劇中唔少劇情都好有共鳴，例如當中教囡囡做功課一幕，相信對唔少家長嚟講都係一場惡夢！而喺Gigi屋企，佢就負責囡囡Sofia學業，老公Sergio就係掌管運動，大家各有分工非常和諧！不過Gigi同好多媽媽一樣都有壓力，所以佢都會煲劇網購，整佢最愛嘅陶瓷嚟抒壓！當然工作拍戲都係佢抽離媽媽身份嘅好時機，今次佢同ERROR肥仔合作拍劇，都大讚呢位後生仔幽默搞笑，仲話好開心見到MIRROR同ERROR為香港娛圈注入生氣啊！
