【Viu】ViuTV新節目《MM730》一系列嘅單元今個星期陸續同觀眾見面，而Sica有份主持嘅《男女自然觀察學會》亦會喺今個星期五(8號)播出，但節目未出街，Sica同拍檔Alice嘅感情已經受到考驗啦，事關Sica噚晚開Live居然為咗小迪冼迪琦話Alice係浮雲、塵埃！最弊係咩啊？Alice睇緊直播㗎，後知後覺嘅Sica即刻補鑊，話只係講笑，唔知許寶有冇嬲嬲豬呢？本身情況已經夠複雜，點知COLLAR成員Ivy都入埋嚟，多情嘅Sica又向Ivy示愛，今次就連小迪都要「降呢」同Alice一齊做浮雲，Sica呢個直播雖然只係得短短5分令鐘，但已經睇得出貴圈有幾亂，難怪佢最後要扮肚痛熄咗直播啦，唔係都唔知點收科啊！
