【Viu】登登燈櫈！壓軸登場嘅考古題，當然係《全民造星》99號姜濤啦，加上姜Admin最近都自發考古，啱晒喇！
姜濤絕對係香港地嘅「又一勵志故事」，由210磅嘅自卑肥仔，憑堅持同毅力成功減肥，搖身一變成為萬人迷；仲由每次隊3個老麥餐嘅學生哥兼part time員工，變咗代言人，傳奇到劇本咁呀！
之但係，呢個勵志故事差啲冇發生，原來係因為金牛座嘅姜濤太慳家，差啲因為錢而退賽，好彩姜Admin冇鑽牛角尖，先成就咗呢位「超級冠軍」咋！
始於顏值，陷於才華，忠於人品！姜Man除咗用作品說話外，仲用人品說話，就算爆紅依然保持謙卑，加上為人真誠，老實bite為姜糖帶嚟唔少歡樂㗎！
綜合以上原因，相信大家都明白「姜濤不紅，天理不容」呢句說話，一啲都冇講錯啦！
