【Viu】現年37歲嘅Candy袁嘉敏，噚日愚人節無啦啦喺IG爆Seed連出3個Story炮轟，「富三代」鍾培生同佢爸爸鍾仁偉，Post出鍾氏一家三口合照，用英文鬧佢兩個係人渣，話自己過去一年同鍾家嘅相處係噩夢，更直認鍾家有包佢三餐同酒水！不過Candy就唔肯透露佢哋之間有冇牽涉不道德交易，只係話鍾氏父子對佢有古怪要求！直至今日，Candy仲出Post話要離開香港去歐洲生活！而一直未有回應嘅鍾培生，終於發表聲明，承認舊年經朋友介紹認識袁嘉敏，見咗幾次面聽完對方嘅故事，就開始對佢提供經濟支持，但因為性格不合，舊年年中已經冇再見面，但之後受到騷擾！隨即Candy都馬上出Story回應，劈頭就話鍾培生講大話，仲話所謂「經濟援助」係另有內情⋯
