早前有網民發現ViuTV人氣組合MIRROR成員盧瀚霆（Anson Lo），喺港台2018年《十大中文金曲我和你音樂會》上，為天王郭富城伴舞。有眼利鏡粉近日再考古，發現「教主」當年仲有喺陳慧琳（Kelly）國語歌《打字機》MV演出，伴舞之餘仲做埋Kelly同事一齊「扮工」。
「教主」喺《打字機》MV以一身西裝斯文look、罕見all back髮型現身，佢早前喺ViuTV節目《調教你MIRROR》突然被撥起瀏海，令佢驚一驚，喺Kelly MV 大家可以任睇「教主」all back頭！
「教主」不時同一班舞蹈員又扭又跳，節拍感十足。除咗「教主」，MV裡面亦發現未來隊友Anson Kong (AK) 嘅身影，兩人更有同框鏡頭。
今次因為雙Anson加持，Kelly《打字機》MV三年後翻hit，不少人留言話「為了教主Anson Lo, 慕名而來」，亦有網民話「而家睇真係有“從幕后 (後) 走到幕前”嘅感慨，好勵志！」
Photo / 陳慧琳《打字機》MV截圖
