ViuTV 劇集《大叔的愛》播出大結局後，網上討論熱度不減，尤其是結尾「田牧之吻」一幕。劇中飾演「阿牧」的 Anson Lo 昨晚（18日）在社交平台上載幕後花絮，熟睡的他慘被貪玩的 Edan「整蠱」摑了兩巴！Anson Lo 醒來還可愛伸脷，獲不少網民讚他好脾氣。
片段中的 Anson Lo 在化妝室休息，Edan 先輕力拍他右面一巴，見他沒反應再摑左面。Anson Lo 在貼文寫道︰「阿牧表示，其實我每日都好認真工作養你，仲要早起身煮埋早餐俾你食，你乖少少好冇？」Edan 則留言︰「打者愛也」。網友笑指他們「耍花槍」，又為阿牧抱不平「渣田！又蝦呀牧，信唔信呀牧以後唔照顧你」。雖然《大叔的愛》已經劇終，但大家仍然關心「田牧 CP」的動向。
Anson Lo 又留言表示，今晚（19日）8點在他的 Youtube Channel 會有「初吻 Vlog」。不少網友表示想看，指新片可以填補沒有阿牧的心靈空虛，「期待牧田初吻 Vlog！ 有冇濕吻睇先？」、「想睇！超想睇！快啲放！等甜到糖尿病」。許多粉絲對於田牧蜻蜓點水一吻「唔夠喉」，期待有加甜版片段流出。未知今晚的「初吻 Vlog」有沒有 Edan 參與，滿足一下觀眾呢！
影片及圖片來源 / Instagram @ansonlht @edanlui
