【A&M Diary】天氣熱自然就無乜胃口，想刺激一下味蕾，泰國菜可能係一個唔錯嘅選擇。位於屯門嘅泰辣坊，係區內新開嘅泰國菜餐廳，餐牌有唔少特色嘅泰國美食，有辣有唔辣！出品更用上唔少泰式傳統嘅香料調味，色香味俱全，為食物增添層次，味蕾瞬間被喚醒。
泰辣坊：鳳爪沙律
作為跟餐嘅小食，份量都唔少。泰辣坊嘅鳳爪入晒味，酸酸辣辣，口感大牙，非常清爽，係夏天必食嘅推介。
泰辣坊：炸蝦餅
泰辣坊嘅蝦餅即叫即炸，上枱一刻新鮮熱辣，咬開脆卜卜嘅外層，內餡用咗大量蝦膠打成，口感脆口而彈牙，非常滋味。
泰辣坊：辣肉碎生菜包
混合咗檸檬葉同辣椒碎一齊爆炒，所有豬肉碎索晒醒胃嘅酸辣香味！將辣肉碎放入生菜包中，加添新鮮爽脆嘅口感，層次大大提升。
