【Viu】Phil林奕匡昨日喺灣仔海濱為新碟《The Next Station》舉行發布會，首唱新歌《無題時想起的人》、《Song for My Baby》，其中後者係Daddy Phil寫畀囝囝Darrien，當佢介紹首歌嗰陣不禁哽咽，係父愛呀！
Daddy Phil之後續話Darrien係一份好珍貴嘅禮物，自爆頭3個月比囝囝喊得仲勁，真係超恨做爸爸！佢又指囝囝將佢喺低潮期拉返起，更係靈感嘅泉源，講到咁老婆Rikko會唔會呷醋㗎？
見Phil喺新碟cover大騷麒麟臂，佢笑話係日日抱仔咁操返嚟，依家仲搞到左、右手臂大細不一添！Phil又即場公布官方fans名「小匡之家」，冧爆話fans改得好好、好warm，有邊個想入住呢個家？
適逢Phil出道15年，佢話開紅館騷呢個目標不變，希望26、27年可以達成！至於喺實現期間，Phil話都可以開啲小型騷，甚至係作品展，聽聞Phil寫畀Edan首《一表人才》勁收版稅6位數，是真是假？咁就交畀Phil親自解說啦！
