【Viu】馬時亨最新訪談節目《馬時亨·獅子山精神》，搵嚟10位喺唔同領域有卓越成就嘅嘉賓進行深度對話，例如有Michael許冠文、姜濤、甄子丹、黃金寶等！今日喺戲院舉行節目發布會，席間除咗播放節目花絮片，仲有一條係由AI生成嘅登獅子山片！馬時亨表示負責請其中5位嘉賓，笑話請Michael係要多次請求，又指同姜濤做完訪問後變成姜糖，喪loop對方嘅歌！
日前（3日）生日嘅Michael透露淨係同咗屋企人食飯，就已經好足夠，生日願望又會係咩？佢又大讚馬時亨改節目名改得好，帶出獅子山精神！而Michael喺發布會上更有提及小時候同許冠傑、許冠英喺獅子山企沖涼兼摘果實食，形容得勁栩栩如生！
講到鄭丹瑞公開爭取同Michael夾份開talk show，又係咪真係會成事？早前Michael透露寫緊部有特朗普影子嘅喜劇，進度大約去6、7成，未知Michael有冇諗定搵邊位演員演出？
Anne向海嵐呢次身負重任，擔任節目嘅嘉賓主持，開心話可以向馬時亨偷師，學習訪問技巧！但Anne就爆因為佢嗰part同嘉賓嗰part係分開，有個小遺憾係冇得同馬時亨一齊進行訪談環節！至於問到如果佢都有個節目，會想訪問邊個？Anne秒答係歌神張學友，點解呢？
李居明話呢日首見Michael勁感動，因為對方講咗幾句說話嚟支持佢！咁啱李居明有套《粵劇特朗普》，而Michael亦正寫緊部以特朗普做題材嘅電影，兩者會唔會交流一吓？想知就睇足本訪問片啦！
