【Viu】電影《誤判》今日首日上映即派出「大老爺」Michael許冠文、監製黃百鳴出動謝票！Michael指有《破·地獄》嘅謝票經驗，習慣咗馬拉松式連去幾間戲院，所以一早醫飽個肚做定準備！黃百鳴指對票房好有信心，Michael更直言打賭票房破億添呀！話晒Michael以前都夾過band，會唔會趁謝票同「黃百棉」百鳴哥開金口jam吓歌派福利？點知Michael話唔支持百鳴哥唱歌，點解呀？Michael又會唔會着返套大法官裝見影迷？
Michael自爆當初以為黃百鳴搵佢開拍《葉問5》，仲等自認有「舞」功底兼有一副奸人相嘅佢，興高采烈話終於可以一嘗做打仔滋味，點知只係做個官坐定定喺度，不過Michael都冇放棄，主動向甄子丹求加打戲，宇宙最強又點回應？嚟緊黃百鳴真係會為Michael開拍《葉問5》？
最近密密喺大銀幕見到Michael，問到佢有冇信心衝擊金像獎影帝寶座嗰陣，佢諗都冇諗就勁firm答：「冇！」原因係佢推算今屆會有好多高手，當中佢最睇好黃子華攞獎，搞笑指子華神夠市儈同嬉皮笑臉咁話！Michael仲話已經去睇咗子華神同劉嘉玲套舞台劇，大讚呢對「神級夢幻組合」好有火花，邊個場口令Michael最深刻？佢又想唔想挑戰舞台劇？另外，甄子丹自爆拍《誤判》高處墮下頭落地受傷，內情又係點？快啲去片睇足本訪問啦！
