【Viu】李居明大師、薛家燕、米雪及龍貫天等今晚告別北角新光戲院，吸引數百巿民圍觀。李居明師2012年以月租100萬接手續租新光，令本來早已結業嘅戲院「翻生」，眨眼12年之後，今晚李居明陪幾百粵劇迷欣賞最後一台戲《小平你好》之後，11時散場就親手主持熄燈兼關大閘儀式，正式告別新光，不再續租。
李居明喺台上表示當年明知蝕本生意，唔甘心粵劇文化失傳所以接手，又自爆當時親手寫信求原業主答應續租，內容聲淚俱下望粵劇演員豐足，好有愛！李居明更表示多次游說家燕姐演粵劇惜被拒絕。
家燕姐儀式後接受訪問表示喺杭州拍戲趕返嚟，佢哽咽話萬般不捨，又感激大師多次分文不收俾場地佢旗下嘅家燕媽媽藝術中心演出。米雪同江美儀就緬懷以前嚟睇戲，有好多嘢食賣包括雞腳咁，又指終結唔等於悲觀，唔使安慰大師。想睇新光戲院熄燈情況，快啲CLICK入嚟睇片啦！
