【Viu】發哥周潤發今朝輕鬆以2小時22分跑完渣打馬拉松的半馬，完賽受訪佢都沾沾話返屋企發嫂會加人工俾佢，笑C！發哥又指等陣去食碗仔翅慶功。咁點解唔拉埋近期「愛將」唐詩詠跑半馬？發哥就以3字形容喇！
同發哥同組別嘅周家怡，喺終點攬攬慶祝，仲同Oppa互派心添！雖然賽前因放狗「趴街」傷腳，但時間快過上年。家怡又話最近冇跟發哥跑山，點解嘅？佢又分享咗噚晚發惡夢經歷。唐詩詠就話唔敢跟發哥跑半馬，仲話賽後要食飯添！
Sammy@Kolor舊年左耳突失聰疑耳中風，佢今早醒神以1小時29分28秒衝擊半馬，仲報喜靠中西醫合璧，耳仔已痊愈。Sammy又話會買定「汽水」等老婆盧巧音衝線。Inez梁諾妍今年轉玩半馬，因要趕住睇3歲大女第一次跳舞表演，佢又自爆「親戚到」，兼放低咗幾両先起跑，造就1小時58分9秒最佳時間。
另外Ah Yo@Lolly Talk、阿妹@Lolly Talk、黃浩然、釗峰、陳健安、Mandy譚旻萱、陳安立、黎展峯、劉宇軒等都有跑呀，轉頭睇足本訪問片就知啦！
