【Viu】經歷近6小時馬拉松式訪問，MIRROR喺傍晚6點幾做完新歌《Hunt You Down》宣傳離開商台，12位Hunters依然精靈，臨上車前都大方停低畀傳媒影相，又同Fans揮手講bye bye，AK同教主向傳媒合十示意，教主仲大派自創嘅「心心式bye bye」冧神徒，超級寵粉！當傳媒問到Frankie心情如何時？未知係咪因為現場嘅應援聲此起彼落，皮皮聽唔清楚，只笑不語。
此外，由於今朝好大雨，姜濤同Anson Lo都喺story呼籲大家注意安全；Edan就偷閒上載畀Jeremy壁咚嘅短片，仲話米米阻住自己自拍，真係畀「通渠CP」笑屎呀！
