【Viu】MIRROR今日上商台宣傳最新團歌《Hunt You Down》，吸引逾300名鏡粉守候，人龍超過100米，場面墟冚！由於12子對上一次齊人現身商台已經係嚿年10月，「渴鏡」已久嘅鏡粉帶齊「追星三寶」櫈仔、手牌同橫額到場，姜糖同神徒仲出動埋車身嚟掛Banner應援，12位Hunter真係魅力非凡呀！
MIRROR喺12點20分左右，分別坐6部七人車到場，隨即出嚟畀傳媒影相，仲不時同Fans揮手，12子都精神翼翼，巧Sharp醒呀！今次係Frankie喺6月捲入「女友風波」後，首次公開亮相；亦係Edan公開認追求林明禎後首度見人，兩位都笑容滿面，心情不俗噃！同樣好耐冇見嘅姜Admin曬黑咗唔少，又Man咗喎！
