【A&M Diary】喺尖沙咀食印度菜第一時間一定會諗起重慶大廈，但好多女仔對重慶大廈都會保持一定距離。所以如果大家想去食啲環境唔錯嘅印度餐，可以選擇位於寶勒巷嘅CARAT Fine Indian and Mediterranean Cuisine。餐廳除咗提供印度菜式，仲有唔少地中海菜選擇，一定適合你約夠晒特別的她。
馳名牛油蕃茄咖喱雞（微辣）
上枱嘅時候已經聞到好香嘅咖喱味，食嘅時候同樣香味十足，加上用咗唔少香料，所以味道好有層次。至於雞肉份量雖然唔多，但每一舊都好嫩滑，勁入味！至於辣度唔會過重，辣度啱啱好。
薄荷咖喱葉爐烤大蝦（微辣）
大蝦預先起殼，所以食嘅時候方便又夠入味。除咗濃郁嘅咖哩味，仲有淡淡嘅薄荷味，所以食嘅時候非常清新。至於除咗薄荷味，仲有爐烤嘅焦香味，拿嘅時候同樣非常有層次。
蒜香烤餅
食咖哩又點少得烤餅呢？呢款烤餅加入埋蒜蓉，所以食起上嚟仲帶有蒜蓉香味，非常唔錯。
新鮮青檸梳打
好多人食完印度嘢都驚口氣問題，呢杯青檸梳打就好refresh，為濃郁嘅印度菜作調整一吓嘅結尾。
