【A&M Diary】每日返工都要趕deadline，放工就梗係想放慢步伐，輕輕鬆鬆享受人生啦！呢間位於佐敦嘅Potluck Eatery，餐廳以木系文青風為設計美學，簡約又不失時代感，令人可以放鬆心情好好享受食物嘅滋味幸福。
南瓜湯
我哋叫咗一份set dinner，是日餐湯係南瓜湯，相信用咗勁多南瓜打成湯底，所以非常濃郁，夠晒鮮甜。
脆炸魷魚柚子雜菜沙律
夏口炎炎，無咩胃口，最啱就係叫一份沙律喇！沙律嘅當然唔少得新鮮嘅沙律菜啦，酸酸微微嘅沙律汁，加上酸酸甜甜嘅柚子肉，真係非常開胃！面頭放有脆炸魷魚，份量非常多，而魷魚好有口感！
白酒忌廉汁大蜆
啲蜆夠晒鮮甜，粒粒都開晒，完全無沙。但最正係超creamy嘅白酒忌廉汁，啲蜆完全索晒汁，好入味。
