【A&M Diary】仲記唔記得大家第一次認識日本菜係幾時呢？那些年日本百貨公司林立，地庫美食廣場嘅丼飯、便當、拉麵⋯⋯讓我哋開始認識日本，更奠定日本菜成為港人最喜歡嘅菜式，而我就係由丼飯接觸日本菜。丼飯嘅款式選擇亦越嚟越多，由以往嘅牛肉、吉豬、照燒雞，到魚生、海鮮等，嚟到主打丼飯嘅東京街日本料理，讓我重拾「丼」我認識日本菜。
九州五色丼
呢度嘅丼飯有相當多選擇，當中九州五色丼係最受歡迎！五色刺身包括鱆紅魚、三文魚、深海池魚、吞拿魚同三文魚籽，款款都夠晒新鮮，而且刺身厚切，極具口感！至於三文魚嘅油脂比例豐富，非常滿足。
滑蛋吉列蠔丼
熟食嘅丼飯選擇都唔少，店員推薦炸物定食。吉列蠔即叫即炸，外層香脆，一啖咬落去，蠔肉就爆晒肉汁，加埋香濃嘅滑蛋，轉眼就食晒成個丼飯啦！
