【A&M Diary】迷人優雅、浪漫主義、非常注重美感和品味都係天秤座嘅特徵。嚟到位於葵興嘅Libra by Little Prince，呢間cafe以天秤座命名，餐廳出品同樣着重優雅嘅美感和細緻嘅味道，完全符合天秤座嘅心意，令天秤座嘅A姐表示非常滿意！
炸軟殼蟹松葉蟹膏意大利飯
除咗煙韌嘅口感之外，飯粒成功吸收湯汁係意大利飯不可或缺嘅重點。濃厚嘅蟹味一上枱已經香味撲鼻，而較硬身嘅意大利飯加上鮮甜嘅蟹膏蟹肉，簡直係味覺嘅衝擊。而炸軟殼蟹令本身已經充滿蟹味嘅意大利飯額外增添一份鬆脆嘅口感。
手打安格斯牛肉煙肉芝士漢堡伴薯條
由於係手打安格斯牛肉，每一啖都感受到手打處理所營造嘅鬆軟，而手打另一個賣點係濃厚肉汁可以保留，非常juicy！估唔到作為大配角嘅芝士都夠驚喜，可以營造拉絲口感，非常creamy。加上煎得脆身嘅煙肉，令呢個漢堡成為更加加分！
