0
0
【香港Staycation】歎機場海景套房 東涌世茂喜來登酒店

【香港Staycation】歎機場海景套房 東涌世茂喜來登酒店

【香港Staycation】歎機場海景套房 東涌世茂喜來登酒店

【A&M Diary】東涌近年開咗好多新酒店,今日M佬就帶我嚟到東涌世茂喜來登酒店玩staycation,仲勁豪咁請我住行政海景套房,唔通我唔記得咗我哋嘅紀念日?當我入到房見到個景,我就明晒!身為飛機迷嘅M佬,咁耐無搭飛機,依家一見到飛機升降嘅跑道景,已經非常滿足!不過,東涌世茂喜來登酒店嘅行政海景套房除咗靚景,整個入住體驗都非常舒適,令我哋今次嘅staycation可以放鬆心情,真係叉足電呀!

酒店大堂
東涌世茂喜來登酒店位於東涌嘅新發展區,由東涌港鐵站步行15-20分鐘就就可以到達酒店。同時,東涌世茂喜來登酒店亦提供免費接駁巴士連接東涌喜來登酒店同東涌港鐵站,值得一讚嘅係班次都幾密。另外,東涌世茂喜來登酒店附近開咗唔少餐廳,飲飲食食非常方便,大家想搵食嘅可以參考以下嘅東涌美食推介。

東涌世茂喜來登酒店嘅lobby樓底非常高,加上非常透光,所以入到嚟嘅第一感覺非常舒服!雖然喺14:30 check-in時仲未有房,不過,職員就帶我哋去東涌世茂喜來登酒店行政酒廊飲住嘢等,仲特別安排late-out俾我哋添!

客廳區域
東涌世茂喜來登酒店共設有260間客房及套房,我哋今次就被安排入住11樓嘅行政海景套房。話明係套房,所以房間面積非常大,一開門就係客廳位置。客廳佔整間客房嘅面積唔大,但都有兩邊窗,景觀開陽。客廳放咗張大梳化,可以好舒適咁煲吓劇,睇吓電視。旁邊仲有個小Pantry,放有雪櫃、capsule咖啡機,四支免費蒸餾水、茶包同收費嘅零食同美酒。

房間區域
房間嘅面積非常大,加上流線型大窗,令房間更亮麗,加上景觀以機場跑道景為主,所以私隱度極高!但略嫌窗簾未能做到無縫連接,朝早會有少少透光。房間嘅雙人床超超超大張,真係點碌都得。床褥軟硬適中,床單柔軟,非常舒服;枕頭總共有4個,2個係偏軟2個係偏硬。床頭位置分別設有插頭、USB插頭、燈掣同窗簾掣,夠晒方便。另外,房內亦設有另一部電視,咁睇電視就唔洗爭啦!

房間內亦有一張小餐枱同衣櫃,衣櫃入面亦放有浴袍、拖鞋、夾萬、雨傘、熨斗、燙衫板同風筒等,設備非常齊全。

浴室區域
講到全間房我最鍾意嘅地方就梗係浴室啦!浴室乾濕分離,仲有個大浴缸可以邊望住飛機升降邊浸浴,真係好歎呀!至於個人用品非常齊全,牙膏、牙刷、棉花棒、浴帽、化妝棉同浴鹽等等都有。至於洗頭水、沐浴露、護髮素、潤膚露同洗手液就用上Gilchrist & Soames,味道唔錯㗎!

娛樂設施
東涌世茂喜來登酒店設有健身室同無邊際游泳池,不過喺疫情期間全部都冇開。除此之外,酒店亦設有一個户外花園,大家可以去散散步,舒展一吓!另外,酒店外面現時正進行多項工程,遲啲大家就可以行吓東涌嘅海濱長廊喇!

餐飲服務
東涌世茂喜來登酒店設有五間餐廳,其中一間為行政酒廊,招待會員同行政客房住客。我哋嘅happy hour同早餐就喺行政酒廊享用。

  1. 更多
  1. 【晨早新聞重點】(6月29日)
    【晨早新聞重點】(6月29日)
    1小時前
  2. 朝中社評論:美國企圖炮製「亞洲版北約」
    朝中社評論:美國企圖炮製「亞洲版北約」
    22分鐘前
  3. 拜登抵西班牙準備參與北約峰會
    拜登抵西班牙準備參與北約峰會
    24分鐘前
  4. 土耳其不再反對芬蘭瑞典加入北約
    土耳其不再反對芬蘭瑞典加入北約
    26分鐘前
  5. 沙田錦英苑錦雅閣圍封發現6宗陽性個案
    沙田錦英苑錦雅閣圍封發現6宗陽性個案
    34分鐘前
  6. 《人民日報》:習近平引領「一國兩制」香港實踐行穩致遠
    《人民日報》:習近平引領「一國兩制」香港實踐行穩致遠
    45分鐘前
  7. G7聯合公布促中國按《中英聯合聲明》確保香港高度自治
    G7聯合公布促中國按《中英聯合聲明》確保香港高度自治
    1小時前
  8. 香港故宮清代宮廷生活展覽讓參觀者置身宮中生活一天
    香港故宮清代宮廷生活展覽讓參觀者置身宮中生活一天
    1小時前
  9. 拜登抵西班牙準備參與北約峰會
    拜登抵西班牙準備參與北約峰會
    1小時前
  10. 土耳其同意芬蘭及瑞典加入北約
    土耳其同意芬蘭及瑞典加入北約
    1小時前