【裝修佬】有時想翻新下家居，但裝修咁大工程，下下都幾萬蚊起跳，打拆又噪又大塵，我諗未必個個人肯做。其實要又平又快又簡單令你屋企煥然一新嘅辦法唔係冇嘅！今日同大家嚟到呢個單位就係好例子：牆身裝飾耐火板。
呢個單位屋主一直好想簡簡單單翻新下個舊廚房。但怕又要拆磚，整水泥，防水，跟住又要鋪返磚好麻煩。直到佢遇到呢款飾面板。呢款飾面板可以用喺家居唔同地方，就算係有高規格要求嘅廚房都可以。連商廈同停車埸翻新都會用呢種飾面板㗎！
因為佢通過BS476, Part 4嘅防火測試，屬於不燃產品, 有好強嘅耐燃性能。另外，佢同時防潮、耐磨同耐撞擊，冇咁易裂。平時我哋廚房牆身，用嘅通常都係磚、不鏽鋼同玻璃，呢啲都會易花或爆裂，但呢款飾面板,因為有玻璃纖維嘅成份,所以又韌又硬, 砂煲罌罉撞落去都唔怕裂。
你可能會問，「唔係啊，鋪不鏽鋼咪唔怕裂囉！」，但呢款飾面板有一個好處係不鏽鋼點都比唔上。就係佢有成差唔多三十種嘅款式可以揀！雲石紋、木紋、花紋都有，配合埋佢哋自家提供嘅4種收口條，鋪左上牆身之後，就可以令到屋企個格調更高雅。
頭先講到翻新牆身，打拆又噪又大塵等等，而呢款飾面板最大嘅優勢就係佢施工簡單，直接用釘膠、雙面膠就可黐上瓷磚,雲石面,木板及石膏板牆啦。唔洗拆磚鋪磚，一兩日就已經可以起貨，唔少師傅都反映好易上手，同好簡單就可以裝得靚，可以加快工程進度，所以成日推介俾啲客㗎。
如果你準備全屋裝修，或者局部翻新令間屋變靚，又唔想用咁多時間處理，呢款飾面板就啱晒你啦！
