【裝修佬】裝修爛尾，同舊公司未傾掂數，點樣交場畀新公司？爛尾常見有爭拗不是一時三刻可解決，有啲裝修師傅會威脅郁親就告你。其實問題可分為「郁現場裝修」同「郁工具」兩方面。
先講「郁現場裝修」。現場裝修點處理？郁之前要記錄低。點記錄？如果行法律，就搵公正行出報告，都要成萬蚊。如果不行法律，可以找裝修學院出視察報告，平靚正但法庭唔啱用。佢嘅作用，可以睇返早前另一條片：
再講「郁工具」。通常戶主遇到兩個問題：一係請師傅搬都唔肯嚟拎走，一係就怕開門會畀佢搞破壞。咁寄畀佢得唔得？戶主通常都怕師傅話少咗野要追究返。但其實大家都無證據，唔通擺喺度就代表無郁咩？既然咩都有得拗，其實就唔需要驚。一於鬥智鬥力。
以下分享一個真實個案：戶主約咗裝修師傅喺單位樓下傾，但佢提早咗十分鐘報警，樓下邊傾邊等警察。最後警察來到，一齊上門睇住公司搬嘢走。兩個問題都解決哂。期間警察仲會抄低身份證，戶主保留檔案編號，之後有咩事都容易啲搵到對方，一舉兩得。
當然個個情況都唔同，應對唔一定靠法律知識，更加需要實戰經驗，如有需要可以聯絡裝修學院支援。
