【裝修佬】近年各大電器品牌年年都出好多唔同功能嘅智能門鎖，好似好吸引咁，但其實係咪個個功能都啱你呢？
今日借咗三個大品牌嘅智能門鎖嚟同大家實測下，教大家智能門鎖嘅乜嘢功能先係重要。
智能門鎖開鎖方法大同小異，所以就唔再詳述，而密碼保護能力先係值得一提。密碼其實係最有機會被竊，咁呢三款智能門鎖係點樣保障密碼功能呢？
呢款係電器大牌嘅智能門鎖，佢會先show 2個數字，撳完，再輸入密碼。呢款專出智能電子鎖嘅品牌，用緊一隻同市面智能門鎖好唔同，叫「PINgenie」既密碼保護方法。
一打開有三個圈圈，入面有隨機嘅數字，假設密碼係「1234」，就係圈圈入面揀返「1234」，每次輸入都唔同，唔單止可以避免指紋留痕，仲可以避免其他人用唔同方法追蹤密碼輸入嘅路徑！
呢款智能門鎖，（亂掃密碼面）密碼前後隨意輸入，只要中間有正確密碼，就開到鎖。
