【A&M Diary】嚟到10月，又係食蟹嘅季節喇！食蟹最緊要係食得盡興，所以我哋推介銅鑼灣嘅大澳德發！餐廳推出任食奄仔蟹放題，加上依家正值食蟹嘅季節，所以隻隻奄仔蟹都爆膏甘香，蟹肉鮮甜，價錢仲非常親民，蟹迷當然唔可以錯過啦！
鹽焗奄仔蟹任食套餐
套餐包括2小時任食鹽焗奄仔蟹，每個人另包一款中式小菜、白飯、飲品或森堡啤酒一支。
鹽焗奄仔蟹
奄仔蟹每次上枱6隻，再即時鹽焗，隻隻都超新鮮，15分鐘左右就食得！一揭開個蟹蓋，香濃嘅蟹味湧出，爆多膏呀！蟹膏甘黃香軟，蟹肉鮮甜細嫩，齒頰留香。
中式小菜
小菜選擇好多，仲要絕不馬虎，包括：鮮雞湯泡花甲、口水雞、薑蔥霸皇雞、麻香肉菜茄子粒、豉椒風沙茄子、燒汁乾燒鮮雜菌、鮮雞湯蝦乾泡菜苗、鹹魚蓉炒時蔬、馬拉盞肉碎炒時蔬、鹽香豆腐丁等等。
薑蔥霸皇雞
目測半隻雞，份量好多。雞肉嫩滑，加上放有大量薑蔥，非常入味，好有層次！
