0
0
[上水好去處] 上水燕崗魚米之鄉 農耕體驗半日遊

[上水好去處] 上水燕崗魚米之鄉 農耕體驗半日遊

[上水好去處] 上水燕崗魚米之鄉 農耕體驗半日遊

【A&M Diary】「Made in Hong Kong」曾經係享譽國際嘅品質保證,直至80-90年代,香港工業轉型,服務性行業、金融地產行業成為香港嘅重要支柱。但近年,多咗人重視本土文化,包括本地農產品亦多咗人關注。今日就同A姐參加咗賽馬會“創不同”社會創新實驗室主辦嘅本地旅行實驗室,嚟到上水燕崗村體驗魚米之鄉嘅農耕半日遊。

賽馬會 "創不同" 社會創新實驗室
2016年由香港賽馬會慈善信託基金捐助成立,透過社區參與、與政府部門合作而共創實驗,以改善公共生活。實驗室不定期會喺各區舉辦活動,融入大眾生活,而今次嘅本地旅行實驗室就吸引咗我哋參加喇!

本地旅行實驗室
疫情嘅呢一年,全球遊客都無得出國,只可以本土旅遊。雖然香港面積唔大,但香港亦有唔少本地景點,無論係懷舊嘅老香港城區、無邊天際嘅郊遊路線都成為大家放假嘅熱門旅遊點。所以今次賽馬會“創不同”社會創新實驗室帶領我哋由上水燕崗村起步,發掘北區城鄉嘅生活故事,體驗農耕本地遊!

燕崗村
屬於上水鄉事委員會範圍,由新界原居民之一嘅侯姓族人建立。

燕崗村公所/燕崗村文物館
燕崗村喺七十年前開始種植本地米,當時嘅燕崗米除咗供應本地,亦供應遠至美國嘅舊金山。雖然本地農業逐漸式微,而燕崗亦無再種植稻米,但為保留歷史,村民將燕崗村公所改建為農耕文物館,展示過百件超過一世紀嘅農耕工具。文物館內嘅展品極具價值,但所有展品可以用手觸摸,等大家可以親身互動感受。

文物館導賞員兼村民Robert,就特別介紹呢部全港只係剩返五至六部嘅木製風櫃,當時禾穀收割曬乾後,就會放入風櫃嘅斗,然後用人力攪動風葉,將禾穀分類。文物館其他珍藏仲有手動水車、捉魚嘅魚籠,三叉戟等。

燕崗農田
呢度嘅農田種植咗唔少本地農作物,其中包括芋頭、粟米、木瓜、生菜、菜心等等,農民每日日出而作,日入而息,自給自足之外,部份亦有售賣予附近街市商戶。

開心農莊
最後一站嚟到開心農莊,農夫笑稱自己係「傻佬」,因為佢種植嘅農作物,唔係自己食,係會送去附近嘅老人院,朋友都笑佢傻,所以就有呢個花名。同「傻佬」傾偈嘅時候,見到佢成日笑容滿面,令我哋深深感受到佢喺呢度簡單但滿足嘅生活。之後,我哋喺「傻佬」嘅農地上「偷」咗唔少通菜,佢話摘菜又攰又辛苦,聽到就唔開心,所以佢叫我哋去「偷」菜,因為「偷」先至刺激好玩!

最後我哋將「偷」返嚟嘅通菜,用柴火煮嚟食,新鮮嘅通菜真係特別鮮甜呀!而「傻佬」仲為我哋特別煮咗南乳豬手同魚片雞粥,作為今日農耕體驗嘅豐富午餐。

  1. 更多
  1. 壹傳媒五高層涉違國安法被捕 警方:證據顯示蘋果日報刊發文章是串謀計劃重點
    壹傳媒五高層涉違國安法被捕 警方:證據顯示蘋果日報刊發文章是串謀計劃重點
    1小時前
  2. 南非抵深圳航班32名乘客確診 部分感染印度變種病毒
    南非抵深圳航班32名乘客確診 部分感染印度變種病毒
    25分鐘前
  3. 台增175宗確診 累計11人接種阿斯利康疫苗後死亡
    台增175宗確診 累計11人接種阿斯利康疫苗後死亡
    1小時前
  4. 本港沒新增確診 連續十日本地零確診
    本港沒新增確診 連續十日本地零確診
    1小時前
  5. 記協:搜查壹傳媒大樓規模較去年大 加劇傳媒自我審查
    記協:搜查壹傳媒大樓規模較去年大 加劇傳媒自我審查
    1小時前
  6. 蘋果:警方共檢走38部電腦 內有大量新聞材料
    蘋果:警方共檢走38部電腦 內有大量新聞材料
    1小時前
  7. 被捕人以新聞工作為工具危害國安 續調查蘋果內外人士
    被捕人以新聞工作為工具危害國安 續調查蘋果內外人士
    1小時前
  8. 【環球薈報】台灣警員網上炫耀工作輕鬆被撤職
    【環球薈報】台灣警員網上炫耀工作輕鬆被撤職
    1小時前
  9. 發改委:五月以來南方等地用電緊張 採措施增電量
    發改委:五月以來南方等地用電緊張 採措施增電量
    1小時前
  10. 【6月15日疫情速報】(14:45)
    【6月15日疫情速報】(14:45)
    2小時前