【A&M Diary】今日坐船過海嚟到尖沙咀，原來新太陽廣場變咗好多，連個名都變埋做力寶太陽廣場，所以以下時間，當然又係A姐嘅shopping time！不過，佢今日竟然買唔到嘢，但行吓行吓，行到好入，發現呢間食台灣嘢嘅小店。首先一讚嘅係呢間餐廳嘅服務都幾好㗎。
士林炸花枝丸
我食親台灣嘢都必叫花枝丸，因為好鍾意佢啲花枝粒，食落好有口感！而且即叫即炸，炸得香口，好好味。
師大香酥排骨
香酥排骨大大塊，預先切好一件件，食得夠晒方便。排骨帶有少少肥，食落唔會好嚡好硬。
鹽酥雞滷肉飯
鹽酥雞係超有水準！炸粉夠薄，雞肉夠juicy，好嫩滑嘅肉質！而滷肉飯當然唔少得肥瘦適中嘅滷肉啦，加上蓬萊米，索晒滷肉醬汁，好好味！
