【A&M Diary】唔知你會唔會同我一樣，有一個 “無所謂” 同 “是但” 嘅豬豬呢？當A姐心情唔好嘅時候，總會答呢兩個答案，而大家都知，答呢個答案，其實都係危機四伏。我決定將呢個危機交俾師傅，由師傅決定食啲咩啦！但一般嘅廚師發板（Omakase）價錢都好很貴，想食得平民價啲，可以嚟到銅鑼灣嘅雲壽司。
我哋各自叫咗一份十件壽司，壽司款式由師傅因應當日嘅來貨同質素決定，出面好貴嗰啲廚師發板，部份仲會先了解你嘅口味，然後壽司逐件上枱，再由師傅作簡單介紹，但呢個入門級嘅廚師發板，就一次過上齊十件，亦無介紹，同一個十件壽司set分別唔大，不過，由於你本身唔知有邊十款壽司，所以上枱前真係充滿期待同驚喜，而且，以呢個價錢，食到呢個質素壽司，已經係物超所值啦！
總數20件嘅壽司，全部唔一樣，有三文魚、金扇鯛、赤身、深海池魚、油甘魚、火炙左口魚邊、辣味三文魚軍艦、芥辣八爪魚軍艦、熟蝦、牡丹蝦、赤蝦、蔥吞拿魚腩軍艦等等，件件都夠晒新鮮！特別想high light以下回味重重嘅壽司。
