【now.com】往常見到的周末市集，離不開賣手工飾品、公仔擺設等等。今個星期六、日（4月1至4月2日）銅鑼灣Fashion Walk會舉行「The YUM Factors周末美食市集」，並以「甜點滋味」為主題，號召一大班嗜甜的朋友齊齊食齊齊玩！
今次橫跨3、4月舉辦的市集，各個攤檔都會大賣特色甜品，參與的品牌包括有譽為 「世界第2好味雪糕蜜瓜麵包」香港店，大賣香脆兼冰凍軟心的雪糕菠蘿包；註冊中醫師開設的摩登涼茶及診所概念店Check Check Cin，有主打的「米水茶飲」同大家養生調理身子；日式手作甜品店IDOUDESSERT亦會駕臨市集中，等大家一試招牌綠茶心太軟紅豆配雪糕等等。另外，有得食之餘亦有得玩，市集內設有「The YUM Tasting Challenge」讓大家玩小遊戲，有機會贏取獎品。
「世界第2好味雪糕蜜瓜麵包」香港店今個周末，於The YUM Factors周末美食市集大賣香脆兼冰凍軟心的雪糕菠蘿包。
日式手作甜品店IDOUDESSERT招牌抹茶甜品。
睇定地圖，Mark實心水攤檔啦！
「The YUM Factors周末美食市集」
日期：4月1日至4月2日
時間：下午1時至下午8時（免費入場）
地點：銅鑼灣Fashion Walk 食街
