【財經TOP SEARCH】MiniMax智譜Cap水後冇運行宜斬纜？

抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。

【Now新聞台】截至早上11時止，過去1小時內《彭博》搜尋量最多港股，依次為智譜、迅策、中國海洋石油、MiniMax及中國石油股份。

內地人工智能(AI)初創公司月之暗面(Ｍoonshot AI)上周五(17日)發布「Kimi K3」大型語言模型，公司聲稱可以媲美OpenAI或Anthropic等最強大模型，外電亦形容佢為另一個「DeepSeek Moment」。早前，智譜及MiniMax解禁期一完，就即刻Cap水，股價都冇咩承接力，嚟緊又有更多大模型推出市場，智譜及MiniMax係咪好頭痕？

富昌證券聯席董事譚朗蔚指，其實唔止內地，全世界都有大模型「內捲」問題，如果新模型研發成本相對較平，又夠熱度，就可以取代現時市場嘅大模型，Stevan提醒，呢啲「DeepSeek Moment」只會不斷出現，唔同嘅大模型都有可能令市場出現震盪。

Stevan續指，智譜及MiniMax都係未有錢賺嘅AI科企，加上最近AI行業有降溫跡象，所以呢啲消息特別不利，加上配股後股價都冇乜起色，因此，投資者應要及時止蝕。