【財經TOP SEARCH】南方海力士暴瀉有啟示

抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。

【Now新聞台】截至早上11時止，過去1小時內《彭博》搜尋量最多港股，依次為MiniMax、建滔集團、泡泡瑪特、智譜、XL二南方海力士。

今日(13日)南韓首爾綜合指數急挫，重挫8%，其中，重磅股SK海力士(SK Hynix)瀉逾10%，有2倍槓桿嘅南方海力士更一度暴瀉逾34%，資金係咪僅短暫流出人工智能(AI)相關股？現水平可唔可以撈貨？

富昌證券聯席董事譚朗蔚指，早前交易所買賣基金(ETF)炒到有20%至30%溢價，當時全球都冇乜SK海力士嘅選擇，所以好多外資都買南方海力士，不過，SK海力士上周五(10日)喺美股掛牌，令南方海力士失咗「獨市生意」，令南方海力士由曾經有30%溢價，變成依家近26%折讓，反映市場睇淡正股前景，所以提早沽貨。

Stevan又指，投資者除要留意南方海力士邊啲位係不容有失，亦要考慮ETF嘅溢價或折讓因素，建議投資者唔好心雄，又認為等股價上返95元以上，先可以話走勢有改善，否則，愈跌愈深就麻煩。