【財經TOP SEARCH】騰訊減持快手唔代表睇淡

抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。

【Now新聞台】截至早上11時止，過去1小時內《彭博》搜尋量最多港股，依次為快手、美團、騰訊控股、中升控股、智譜。

騰訊以每股43.25元，減持快手約2.73億股B類股份，持股量由逾15%降至約9%，唔再係快手主要股東，拖累快手股價今日(7日)急挫，更失守減持價，曾低見41.3元，大跌10%。快手上周開始做回購，又宣布重組「可靈AI」(Kling AI)準備分拆上市，騰訊一邊減持，但一邊又話對快手長遠前景有信心，究竟邊一句係真？點睇快手前景？

復星國際資產管理投資經理李曉翀指，騰訊係「可靈AI」其中一個投資者，反映仍睇好快手，快手分拆「可靈AI」後，仍持有一定控股權益，分拆後，「可靈AI」嘅支出會歸返「可靈AI」嗰邊，唔會對快手盈利有影響。

Andrew又指，快手喺今年3月底公布，「可靈AI」年度經常性收入(ARR)約5億美金，未來有機會繼續升，加上人工智能(AI)短視頻趨勢，中短期來看，快手仍然係一隻值得考慮嘅股份，而騰訊有本身嘅財務決定，所以減持唔一定睇淡快手前景。