【Now新聞台】截至早上11點，一小時內《彭博》用戶關注度上升最多的港股，依次為金山軟件、安踏體育、中國鋁業、復星國際、農夫山泉。
金山軟件成為今日早段跌幅最大港股，跌幅逾20%，業績可以話慘不忍睹，第二季純利大跌99%，拖累上半年純利大減98%，收入又受網絡遊戲收入倒跌拖累。
安山資本資產管理部董事黃志陽指，投資者睇到業績後應該會重新評估集團嘅策略，金軟問題在於投入咗大量研發成本，但研發成果又無晒影，畀投資者一種公司失去方向嘅感覺，預期股價會保持弱勢，結合今次業績，股價甚至有機會跌穿30元。
Jackson又話，金軟股價今次插水後，估計都要橫行一段時間，等營運數據好返啲，先可以令投資者對公司業務有返信心。
