【Now新聞台】截至早上11時，1小時內《彭博》用戶關注度上升最多港股，依次為普拉達、禹洲地產、佳兆業集團、中國恒大及龍湖集團。
排榜首嘅Prada今日逆市升，股價一度急升逾20%，主要係中期業績扭虧為盈，但睇返另外幾隻業績股，例如ASM太平洋、百威亞太等，放榜後都要捱沽，點解同樣係業績股，「命運」完全唔同？
大華繼顯執行董事梁偉源指，今朝開市後，恒指愈跌愈多，資金都係避險為主，搵啲業績好嘅股份炒，Prada係其中一隻。Steven又話，Prada股價升到呢個水平，市盈率(PE)已經70、80倍，仍然係偏高，投資者要留意Prada下半年業績，係咪可以維持到高增長。
