【Now新聞台】截至早上11點，1小時內《彭博》用戶關注度上升最多的港股，依次為福萊特玻璃、中車時代電氣、比亞迪股份、滔搏及中國海外發展。
福萊特宣布同深圳上市嘅晶澳科技，簽署為期3年嘅玻璃銷售合約，參考現時嘅市價，估計今次交易涉資逾46億人仔，福萊特H股一度勁升逾15%，衝上52周高位，A股更漲停板，呢份合約嘅威力真係咁大？
圓通環球金融集團行政總裁曾永堅指，資金只係短期借勢炒作，其實消息本身唔係利好福萊特盈利及估值，市場資金只係搵啲政策風險較低嘅股份，睇好佢哋長遠發展而炒作，例如光伏及新能源行業。
