【Now新聞台】截至早上11時，1小時內《彭博》用戶關注度上升最多港股，依次為思考樂教育、京東健康、富力地產、海底撈新東方在綫。
內地進一步監管校外培訓教育，令教育股今日普遍受挫。當中，新東方在綫跌28%，思考樂教育更一度急挫48%，大行對佢哋極冇信心，摩通更話未知教育股見底未。
圓通環球金融集團行政總裁曾永堅指，中央希望壓低教育成本以鼓勵生育，結果不但直接衝擊業界營運利潤空間、估值、增長動力，甚至要面臨退市或要將相關資產從現時上市平台剝離，令市場如驚弓之鳥，好多投資者為咗避未知有幾深嘅政策風險而唔問價去套現、拋貨。
