【Now新聞台】截至早上11時，1小時內《彭博》用戶關注度上升最多的港股，依次為中遠海控丶比亞迪股份丶中國恒大丶龍源電力及農業銀行。
中美商務部部長再通電話，加上央視報道，喺疫情下港口一箱難求，令貨櫃價格大升，航運股今日顯著造好，其中以中遠海控最搶鏡，中信建投估計，中遠海控今年收入及淨利潤，分別增長65%及近7倍，最新目標價睇38元，如果用今日中午收市價計，即係有逾倍潛在上升空間。
英皇證券銷售部副總裁林建華認同，疫情令航運流程長咗，需求亦大咗，但會引發消費品、必須品通脹，對市場嚟講未必係好事。佢又話，現時貨櫃利潤好可觀，問題係依家冇咁多櫃，投資者評股前景時必須考慮呢個問題。
