【Now新聞台】截至早上11點，1小時內《彭博》用戶關注度上升最多的港股，依次為吉利汽車、首創置業、融創中國、恒大物業及正榮地產。
吉利股價之前碌咗落嚟，依家又抽返上去，但期間都多石沙，其中一個原因係大行對吉利睇法分歧，其實公司公布例如造車呢啲消息都好透明，但大行唔係睇得特別好，例如中金重申返吉利「跑贏大市」評級，但目標價只睇13.7元，但野村又睇到27.8元。
安山資本資產管理部董事黃志陽指，比亞迪股份被視為中國Tesla，吉利就係GM、福特，其實吉利多年前已經話，唔再造傳統燃料車，但係咪transit到，呢個係好大嘅挑戰，最近公司出咗一個純電動車品牌，又話會發展混能，但點解吉利估值上唔返高位，原因係...
