【Now新聞台】截至早上11點，1小時內《彭博》用戶關注度上升最多的港股，依次為長實集團、時代中國控股、恒生銀行、粵海投資、中國恒大。
地產股板塊近期強勢，逐漸收復疫前失地。長實嘅回購計劃超額完成，今日更升穿51元回購價，成為今朝最強勢藍籌，今次回購由有溢價變成折讓，對小股東嚟講是好是壞？
大華繼顯執行董事梁偉源指，早前提出嘅51元回購價，已遠高於當時嘅市價，即係已經有一定溢價，今次回購有限額，小股東未必賣得哂手持嘅股份，兩者可取得平衡。佢又話，集團回購後注資歐洲基建項目，有助公司未來有穩定現金流及收入，對公司中線前景有利。Steven亦指，本港疫情緩和 ，樓價短期有機會破頂，地產市場未來發展值得睇好。
