【Now新聞台】截至早上11點，一小時內《彭博》用戶關注度上升最多的港股，依次為長和﹑ 滔搏﹑金沙中國 ﹑長實集團及紫金礦業。
兩隻長和系股份今日向下，仲跑輸大市及其他本地地產股，半日收市跌逾2%，跌到一個月低位，雖然集團有併購消息，但另一方面亦傳嚟美國制裁嘅負面消息。
京華山一國際研究部主管彭偉新認為，制裁消息帶來嘅心理影響較大，因為今次被制裁只係内地合營嘅子公司，唔係長和系全資擁有，反而集團少咗中國元素，投資者都冇太大意慾買入唔夠中國概念嘅股份，導致股價走勢反復偏弱。
彭偉新又話，長和併購消息會令集團估值有上調空間，但要留意...
