【Now新聞台】截至早上11點，1小時內《彭博》用戶關注度上升最多的港股，依次為中國燃氣、中國華融、合景泰富集團、周大福及中國銀行。
中燃股價今朝一度大升逾10%，主要係集團宣布同做氫能業務嘅中國海洋石油全資子公司，訂立合作框架協議，喺氫能、綜合能源有合作。
京華山一國際研究部主管彭偉新指，氫能係近年熱門議題，亦有機會成為電動車能源，但依家氫能喺使用上仲有好多技術問題，同埋最終可能都需要用燃料發電。Castor又話，氫能發展依家仲喺起步階段，技術仍未穩定，發展風險大，估計投資者只係抱「見到新嘢炒住先」心態，帶挈中燃股價今日急升。
