【Now新聞台】截至早上11時止，《彭博》系統Top Search No. 1是中國銀河，第2至第5位分別為碧桂園、交通銀行、復星國際及中國人壽。
如果想趁市況強勢追入藍籌，十年以嚟升幅最強五隻股份包括舜宇光學、吉利汽車、瑞聲科技(02018)、銀河娛樂同騰訊控股。最弱五隻藍籌就有交行、中國神華、招商局港口、中國石油同中信股份。
Now財經台評論員趙善真指，三大最強藍籌都係近年先「染藍」，當年神華同中石油上市時不知幾威，但依家都走晒樣，反映喺時代變遷下，投資都要與時並進，最好嘅股份就係增長最多嘅股份。
